മറവിയുടെ ചാരം എന്നെ മൂടട്ടെ....
ഓർമ്മകൾ തുരുമ്പിച്ചു.....
സ്വപ്‌നങ്ങൾ ചിതലെടുത്തു......

പടിയിറക്കം

പടിയിറക്കം

വിധിമൂലം പടിയിറങ്ങി പോയവരുണ്ട് ...  വളരേ വിരളമാണെന്ന്  മാത്രം...
കാരണം തിരഞ്ഞു - പടിയിറങ്ങിപോയവരുണ്ട്...
കാരണങ്ങൾക്കായ് - കാത്തുനിന്നവരുമുണ്ട്...
എണ്ണപ്പെടാൻ പോലും കാത്തു - നിൽക്കാത്തവർ....
അനുവാദം വാങ്ങി പടിയിറങ്ങി - പോയവരുണ്ട്
കാലാവധി കഴിഞ്ഞപ്പോൾ - പടിയിറങ്ങിപോയവരുണ്ട്...
ഒന്നുമുരിയാടാതെ...അനുവാദത്തിന്  കാത്തുനില്ക്കാതെ കാരണം തിരക്കാതെ പടിയിറങ്ങിപോയവരാണ് കൂടുതലും....
എന്തോ....
മറ്റു പടിയിറക്കത്തേക്കാൾ വേദന തന്നതും ഇവയാണ്......
അതായിരിക്കാം ആ മുഖങ്ങൾ ഒക്കെയും ഉള്ളിലിരുന്നിങ്ങനെ വിങ്ങുന്നതും നീറുന്നതുമല്ലേ.....
ഇനിയുമെത്ര പടിയിറക്കങ്ങൾക്ക്  ഈ ശിശിഷ്ട ജീവിതം സാക്ഷി യാവേണ്ടിവരുമോ....
അതും അറിയില്ല....

ജന്മദിനം

ഓരോ ജന്മദിനവും ഓർമപ്പെടുത്തലുകളാണ്...
കടന്നുപോകുന്ന കാലത്തിന്റെ ...
പിന്നിൽ നഷ്‌ടമായ സമയത്തിന്റെ ...
മരണത്തിലേക്ക് അടുക്കുന്ന ചുവടുവയ്‌പ്പിന്റെ...
      ഒരു ജന്മദിനത്തിൽനിന്നും                  മറ്റൊന്നിലേക്കുള്ള ദൂരത്തിന്റെ ....
   കൊഴിഞ്ഞുപോകലുകളുടെ...
   കൂടിച്ചേരലുകളുടെ.....
ഓരോ ജന്മദിനാശംസകളും അടയാളപ്പെടുത്തലുകളാണ്....
ഞാൻ നിന്നെ ഇന്നും ഓർക്കുന്നു എന്നോ ,
അതോ,
മറവിയുടെ ചാരം നിന്നെ മൂടിയിട്ടില്ല എന്നോ...
  ഓരോ ജന്മദിനവും പുതുമനിറഞ്ഞതാണ്,
  ഇതവണത്തേതെന്ന പോലെ...
കഴിഞ്ഞവർഷങ്ങളിൽ കൂടെ ആഘോഷിച്ച- ചിലരുടെ ഓർമകളിൽ ഞാൻ മരിച്ചുകഴിഞ്ഞിരിക്കുന്നു...
മറ്റ് പലരുടെയും ഓർമകളിൽ ഞാൻ പിറവിയെടുത്തിരിക്കുന്നു...
  വരും ജന്മദിനങ്ങൾ പ്രതീക്ഷകളുടേതാണ്...☺

ഈ ജന്മദിനം പ്രാർത്ഥനകളാലും,അനുഗ്രഹങ്ങളാലും,ആശംസകളാലും ധന്യമാക്കിയ എല്ലാവർക്കും ഒരായിരം നന്ദി 😍😘